Mga dautang epekto sa kahimsog kung kanunay kuwang og tulog.

8:28:00 AM


Daghan na nga mga pagtulon-an ang nagpakita sa mga dautang epekto sa kanunay nga ka-kuwang og tulog.
  1. Kani kay makaingon og fatigue o grabe nga pagkakapoy, pagkakuwang sa kusog, kalisod sa pag-concentrate, dili maka tutok (focus), ug kanunay nga init og ulo.
  2. Dali ra mawala sa mood ang usa ka tao nga kuwang og tulog.
  3. Makaingon og neurological disturbances sama sa visual illusions, taligmata (hallucinations), pagkahanap sa panan-aw, pagkamakalimtanon, ug kanunayng duka-on.
  4. Magka-ubos ang resistansya ug dali ra masakit
  5. Makadaot kini sa kahimsog sa imong kasing-kasing. Segun sa pagtuon, ang mga babae nga matulog og pito ka oras o ubos pa, kay mas taas ang posibilidad nga atakihon sa kasing-kasing.
  6. Makadaot kini sa imong glucose tolerance ug makataas sa imong blood sugar level mao nang pwede muresulta sa prediabetes.
  7. Mas dali gutmon ang tao nga kuwang sa tulog tungod kay naay pag bag-o sa mga hormones sama sa ghrelin, leptin ug cortisol. Mas mukaon na hinuon og dinaghan labi na og tam-is nga pagkaon.
  8. Nagasaka ang lebel o ang-ang sa stress hormone nga cortisol kung pirmi naga-pulaw o naga-bilar.
  9. Nagahatag pod kini og dili normal nga pagtrabaho sa thyroid ug paghimo sa growth hormone.

You Might Also Like

0 comments

Twitter Feed