Alamin ang Sakit na Hypothyroidism!

8:54:00 PM


Ang hypothyroidism ay kondisyon kung saan ang iyong thyroid gland ay hindi naglalabas ng tamang dami ng mga importanteng hormones. Ang mga babae lalo na ang mga edad 60 pataas ay kadalasang nagkakaroon ng hypothyroidism.

Nagdudulot ang sakit ng ito ng hindi balanseng chemical reactions sa iyong katawan. Kapag hindi naagapan ang hypothyroidism, maaaring mauwi ito sa ilang mga sakit tulad ng obesity, joint pain, hindi mabuntis at sakit sa puso. Kailangang sumailalim sa thyroid function test upang malaman kung mayroon kang hypothyroidism.

Iba-iba ang mga sintomas at senyales ng hypothyroidism. Depende din ang sintomas sa kung gaano kakulang ang hormones. Sa umpisa, hindi gaanong mapapansin ang mga senyales ng sakit tulad ng pagkapagod at pagbigat ng timbang. Ngunit habang tumatagal ay lalong bumabagal ang iyong metabolism at nagiging mas halata ang mga stinomas tulad ng
  1. Pagkapagod 
  2. Lamigin 
  3. Laging constipated o hirap dumumi 
  4. Nanunuyo ang balat
  5. Tumataba 
  6. Nagbabago ang boses 
  7. Nanghihina ang mga muscles 
  8. Tumataas ang blood cholesterol 
  9. Nananakit ang mga buto at kasukasuan 
  10. Hindi normal o iregular na pagreregla 
  11. Manipis ang buhok 
  12. Mabagal na tibok ng puso 
  13. Depression 
  14. Nagiging malilimutin
  15. Maga ang mukha at mata
Kapag hindi nagamot ang hypothyroidism, magiging malala ang mga sintomas nito at maaaring magdulot ng goiter o paglaki ng iyong thyroid gland sa leeg. Maaaring magdulot din ito ng problema sa puso dahil sa pagtaas ng levels ng LDL 0 bad cholesterol. Maaarign makaranas din ng mental health issues tulad ng depression. Maaaring magdulot din ito ng pagkasira ng iyong peripheral nerves kung saan magkakaroon ng pananakit at pamamanhid ng mga kamay at paa. Maaaring magdulot din ito ng hindi pagkabuntis dahil hindi nagiging normal ang menstruation ng mga taong may hypothyroidism.

Kung mayroon ka ng mga senyales at sintomas na nabanggit, kumonsulta na sa inyong family doctor upang malaman ang iyong kondisyon at agad itong magamot.

You Might Also Like

0 comments

Twitter Feed