Lumalangoy ang aking isip

Biglang napatanong sa sarili

Tama bang medisina ang pinili?

Panggagamot ba'y tunay na para sa akin?

Ang bilis ng buhay sa medisina

Dumadaluyong ang mga gawain

Talagang hindi ka papatulugin

Ang dami ng dapat sauluhin

Wala ka nang panahong namnamin

Ang lahat ng mga aralin

Kailangan na lamang tanggapin

Lunukin ang lahat ng impormasyon

Na nakuha sa buong maghapon

Sa kabila ng lahat

Ng pagod at puyat

Minahal ko ang medisina

Hindi ko ito isusuko

Itutuloy ko ang laban

Magiging doktor pa rin ako para sa bayan

Marami mang alon ng pagsubok ang dumating

Buong puso ko itong susuungin

Walang makapipigil sa akin